होमपेजचितवन विशेषचितवनको माडीमा नेपाल प्रहरी द्वारा सचेतनामुलक कार्यक्रम संचालन

चितवनको माडीमा नेपाल प्रहरी द्वारा सचेतनामुलक कार्यक्रम संचालन

चितवन , कार्तिक २७ – नेपाल प्रहरी द्वारा चितवनको माडीमा सचेतनामुलक कार्यक्रम सम्पन्न गरेको छ । माडी नगरपालिका वडा नम्बर ५ स्थित दिवाकर स्मृति बिद्यालयमा कार्यक्रम सम्पन्न गरेको हो । लागु औषध दव्र्यसनी,यौनजन्य हिंसा न्युनिकरण तथा सडक दुर्घटना सम्बन्धी सचेतनामुलक कार्यक्रम भएको हो । “समुदाय प्रहरी साझेदारी कार्यक्रम” अन्तर्गत ईलाका प्रहरी कार्यलय माडीको आयोजनामा माडी नगरपालिका नगरपालिका वडा नं ५ वडा कार्यलय र सामुदायिक रेडियो माडीको समन्वयमा लागुऔषध दुर्व्यसन,सडक दुर्घटना न्युनिकरण,महिला हिँसा ,चोरी ,जबरजस्ती करणी र बाल विवाह लगायतका बिषयहरुमा ईलाका प्रहरी कार्यलय माडीका प्रमुख झलक शर्माले सचेतनामुलक प्रशिक्षण दिएका हुन ।
सचेतनामुलक प्रशिक्षणमा माडी ५ का यातायात व्यबसायी,युवाहरु,शिक्षक,अभिभावक लगायतको  सहभागिता रहेको थियो । प्रशिक्षण कार्यक्रमले स्थानिय स्तरका बिद्यालय र समाज लाई टेबा पुग्ने प्रशिक्षक शर्माको भनाइ छ । माडी नगरपालिका वडा नम्बर ५ का वडा अध्यक्ष रामबन्धु पोख्रेलको अध्यक्षतामा सम्पन्न भएको कार्यक्रममा माडी नगरपालिका वडा नम्बर ५ का वडा सदस्य कुल बहादुर बिश्वकर्मा,रेडियो माडीकी स्टेसन म्यानेजर प्रिती पोख्रेल,विद्यालयका प्रधानाध्यापक ऋषिराम काफ्ले,बघौडा उपभोक्ता समितिका कोषाध्यक्ष गणेश घताने, ब्रह्मज्योति आधारभूत बिद्यालय ब्रह्मपुरीका प्रधानाध्यक गंगाराम रानाभाट लगायतको सहभागिता रहेको थियो।

ताजा समाचार