होमपेजचितवन विशेषमाडीमा १७ शैयाको आइसोलेशन वाड तयार , संक्रमीत बिरामीको खानाको लागि स्थानीयको...

माडीमा १७ शैयाको आइसोलेशन वाड तयार , संक्रमीत बिरामीको खानाको लागि स्थानीयको सहयोग


  • चितवन जेठ ३२, चितवनको माडीमा पुष्ठि भएका कोरोना भाइरस सङ्क्रमितहरु लाई माडी नगरपालिकाले व्यवस्थापन गरि उपचार शुरु गरेपछि उनिहरुको लागि आबश्यक पौष्टिक खाना स्थानियहरुले सहयोग गरेका छ्न । नगरपालिकाले माडी क्याम्पसमा आइसोलेसन कक्ष निर्माण गरी सङ्क्रमितको उपचार सुरु गरेपछी नगरपालिकाको काम लाई सहयोग हुने उदेश्यले स्थानियबासी र संघ सस्थाले पौष्टिक खानाको प्रबन्ध गरेका हुन । आइसोलेशनमा राखिएका ७ जना लाई दैनिक आबश्यक हुने खाधान्न लगायतको सहयोग सामाजिक अभियन्ता श्रीप्रसाद दवाडी , स्थानिय लोक बहादुर तथा अमृता क्षेत्री , माडी क्याम्पस , होटल ब्यबसायी संघ माडी , मालपोत कार्यालय माडी लगायतले सहयोग गरेका हुन ।
    माडी क्याम्पसमा स्थापना गरेको आइसोलेसन १७ बेड तयार भै सकेको र ३० बेडको आइसोलेसन तयार गर्ने अभियानमा सुरु गरिएको माडी नगरपालिकाले जनाएको छ । माडीमा क्वारेन्टिन तथा आइसोलेसन निर्माण गर्न बसन्तपुर युथ क्लवले अग्रणी भुमिका खेलेको जनाइएको छ ।
    माडिमा बिरामीहरु लाई सिसी क्यामेराको निगरानीमा राखिएको छ भने चिकित्सकसहितको स्वास्थ्य टोली सोही स्थानमा तयारी अवस्थामा राखिएको छ । सङ्क्रमित दीर्घरोगी भएर ज्वरो आएमा भरतपुर अस्पतालको आइसोलेसनमा पठाउने गरिएको भए पनि अन्यलाई माडीमै राखेर उपचार गरिने माडी नगरपालिकाका प्रमुख ठाकुर प्रसाद ढकालले बताउनु भयो । नगरपालिकाले स्वाब परीक्षणका लागि किट आफैँले खरिद गर्न शुरु गरेकोले पहिलो चरणमा २०० पिसीआर किट खरिद गरिएको मेयर ढकालले जानकारी दिनुभयो । पहिलो चरणमा किट खरिदका लागि रु १० लाख रुपैया विनियोजन गरिएको हो ।
    माडी नगरपालिकामा स्थापना गरिएका १२ क्वारेन्टिनमध्ये पाँच वटामा २३४ जना ब्याक्तिहरु रहेका छन् । नगरपालिकाको तथ्याङ्कअनुसार भारतमा मात्र दुई हजार ८०० माडीवासी रहेका छन् भने तेस्रो मुलकमा यो संख्या एक हजार ४ सय रहेको नगरपालिकाका सूचना अधिकारी प्रवीण भण्डारीले जानकारी दिनुभयो ।

ताजा समाचार