Home Blog

माडी जेसीजको अध्यक्षमा सुवास गौतम चयन

चितवन , मंसिर १० – माडी जेसीजको साधारण सभा तथा चौथो शाखा अधिबेशन आज शनिबार सम्पन्न भएको छ ।अधिबेशनले बर्ष २०२३ को शाखा अध्यक्षमा जेसी सुबास गौतम लाई सर्बसम्मत चयन गरेको छ । कार्यकारिणी उपाध्यक्षमा जेसी कपिल अधिकारी र जेसी राम बहादुर पोख्रेल , उपाध्यक्षमा जेसी सुमन रानाभाट, जेसी इन्दिरा बि क , जेसी प्रकास सुबेदि र जेसी सुनिल गौतम , निर्देशकमा जेसी निमेश फुयाल, जेसी प्रबिण काफ्ले, जेसी सुबास पौडेल , जेसी सुभम शर्मा लाइ चयन गरि सम्पन्न भएको छ । कार्यक्रम संस्थाका अध्यक्ष जेसी शोभाखर अधिकारीको सभापतित्व तथा संस्थापक अध्यक्ष जेसी रुद्र प्रसाद सापकोटाको प्रमुख आतिथ्यतामा सम्पन्न भएको थियो ।

चितवन – ३ मा राप्रपाका विक्रम पाण्डे निर्वाचित

चितवन , मंसिर ९ – चितवन क्षेत्र नं. ३ मा राप्रपाका विक्रम पाण्डे निर्वाचित हुनु भएको छ । पाण्डे ३४ हजार ३ सय ६२ मत ल्याएर बिजय बन्नु भएको हो । उहाका निकटतम प्रतिद्वन्दी गठबन्धनका उम्मेदवार डा भोजराज अधिकारीले २४ हजार ६ सय ७१ प्राप्त गर्नु भएको हो । त्यस्तै राष्ट्रिय स्वतन्त्र पार्टी कि जीता बरालले १४हजार ७सय ७९ र स्वतन्त्र उम्मेदवार दिनेश कोइरालाले १२ हजार ५७ मत प्राप्त गर्नु भएको हो ।
९२ हजार २६ गणना हुँदा यो परिणाम आएको हो । त्यसैगरी प्रदेशसभा चितवन ३ (ख) मा माओवादी केन्द्रका ठाकुर ढकाल निर्वाचित हुनु भएको छ । उहाँले १५ हजार ४ सय ६१ मत प्राप्त गरि बिजय हुनु भएको हो । उहाका प्रतिद्वन्दी राप्रपाकी उम्मेदवार रिना गुरुङले १४ हजार ६ सय १५ मत प्राप्त गर्नु भएको हो । त्यसैगरी एमालेकी उम्मेदवार सरस्वती बिष्टले १०हजार १ सय २४ मत प्राप्त गर्नु भएको छ । चितवन ३ ख मा ४४ हजार ६८ मत गणना गरिएको हो ।

 

 

कांग्रेसको पहिलो जित : मुस्ताङमा २९ वर्षीय गौचन विजयी

काठमाण्डाै – प्रतिनिधि सभातर्फ नेपाली कांग्रेस मुस्ताङका उम्मेदवार योगेश गौचन थकाली विजयी हुनुभएको छ । २९ वर्षीय गौचनले एमालेका ६० वर्षका उम्मेदवार प्रेमप्रसाद तुलाचनलाई ९ सय १४ मतले हराउनुभएको हो ।

गौचनले ३ हजार ९ सय ९२ मत प्राप्त गर्नुभएको छ भने एमालेका तुलाचनले ३ हजार ७८ मत प्राप्त गर्नुभएको छ ।

प्रतिनिधि सभा सदस्यमा निर्वाचित योगेश कांग्रेसका जिल्ला सभापति एवम् पूर्वसांसद रोमी गौचनका छोरा हुनुहुन्छ ।

२०७४ को चुनावमा एमालेका तुलाचनले कांग्रेसबाट उम्मेदवार बनेका रोमी गौचनलाई पराजित गर्नुभएको थियो । निर्वाचन आयोगले मतपरिणाको घोषणा भने गर्न बाँकी रहेको छ । यो निर्वाचन क्षेत्रमा राष्ट्रिय स्वतन्त्र पार्टीका सुदेश गुरुङले ८७ मत ल्याउनु भएकाे छ ।

पत्रकारहरुलाई समाचार संकलनमा अवरोध गर्दैनौँ : एमाले

चितवन ,  चितवन क्षेत्र नं २ अन्तर्गत पर्ने भरतपुर महानगरपालिका–७ स्थित कृष्णपुर मावि मतदान स्थलमा पत्रकारलाई प्रवेश निषेध गर्ने भन्ने सर्वदलिय निर्णय भनी विभिन्न संचारमाध्यममा प्रकाशित समाचारप्रति एमालेले आफ्नो ध्यानाकर्षण भएको जनाएको छ ।
‘पत्रकारहरुलाई सूचना संकलनका लागि अवरोध गर्नुहुँदैन भन्ने मान्यतामा एमाले छ ।’– भरतपुर ७ का निर्वाचन परिचालन कमिटीका संयोजक सनतकुमार लामिछानेले भने ।
लामिछानेले शनिवार एक विज्ञप्ति प्रकाशित गर्दै मतदान केन्द्रमा पत्रकारहरूलाई पत्रकार आचारसंहिताभित्र रहेर निर्वाध रुपमा सूचना संकलन र सम्प्रेषण गर्नका लागि कुनै बन्देज नलगाइएको पनि बताए ।
‘पत्रकारहरुलाई मतदान स्थलमा प्रवेश नदिनेबारे अन्य दलले प्रस्ताव गरेपनि एमालेले यसप्रति विरोध जनाएको हो । यदि अन्य दलहरुले पत्रकारहरुलाई सूचना सम्प्रेषण गर्नबाट रोक लगाउने उद्देश्यले यसो गरेको भए हामी यसको फेरि पनि निन्दा गर्दछौ ।’–लामिछानेले भने । एमालेले प्रेस तथा अभिव्यक्ति स्वतन्त्रताको सधै सम्मान गर्ने भन्दै विज्ञप्तिमा भनिएको छ, –‘कृष्णपुर मतदान केन्द्रमा निर्वाचन आयोगको अधिनमा रही आम संचारमाध्यमलाई निर्वाध रुपमा समाचार संकलन गर्ने ÷गराउने कुरामा सहयोगी बन्ने कुरामा एमाले प्रतिवद्ध छ ।’
स्थानीय तहको निर्वाचनमा पनि यस मतदान स्थलमा पत्रकारलाई समाचार संकलन गर्न अवरोध गरिएको थियो । समाचार संकलनमा अवरोध गरिएपछि त्यसबेला पत्रकार र दलका प्रतिनिधि बीच धकेलाधकेल नै भएको थियो ।

डा.भाेजराजको आमाले दिइन् दिनेश काेइरालालाई जितेको शुभकामना

चितवन , कार्तिक २९ – चितवन क्षेत्र नं. ३ का स्वतन्त्र उम्मेदवार दिनेश काेइरालालाई गठवन्धनका उम्मेदवार डा. भाेजराज अधिकारीकाे अामाले जितेको शुभकामना दिएकी छन् ।
नेकपा एमालेकाे समर्थनमा माछा चुनाव चिन्ह लिएर उठेका कांग्रेस केन्द्रीय सदस्य दिनेश काेइरालालाई जितेको शुभकामना दिएकी हुन् । मंगलबार घरदैलोकाे क्रममा भरतपुर २२ काे पटिहानी टाउनमा पुगेका काेइरालालाई डा. अधिकारीकी अामा चुनकुमारी अधिकारीले शुभकामना दिँदै जितकाे अार्शिवाद दिएकी हुन् । “सबै जना मेराे छाेराहरू नै हाे, सबैको राम्रो हाेस्, जित हाेस्” दिनेशकाे शीरमा हात राख्दै अधिकारीले भनिन् “जसले जिते पनि म खुसी हुन्छु । अार्शिवाद ठूलो कुरा हाे”
दिनेशले अाफू माछा चुनाव चिन्ह लिएर उम्मेदवार बनेको जानकारी गराएका थिए । दिनेशले भाेजराजकाे गाउँ मानिने पटिहानीका सबै घरमा पुगेर अन्यायका विरूद्व उम्मेदवारी दिएको भन्दै मत मागेका थिए ।

माओवादीका बागी उम्मेदवार हरि योञ्जन एमाले प्रवेश, दिनेश कोइरालालाई समर्थन

चितवन , कार्तिक २९ – नेकपा माओवादी केन्द्रमा लामो समयसम्म योगदान गरेका गायक एवम् चितवन क्षेत्र नं. ३ का प्रतिनिधी सभा सदस्य उम्मेदवार हरि योञ्जन एमाले प्रवेश गरेका छन् । माओवादी केन्द्रमा परिवारवाद हावी भएको र न्यूनत्तम कम्युनिष्टको चरीत्र पनि नभएकोले उनले माओवादी छाडेको बताएका छन् । योञ्जनलाई एमाले अध्यक्ष केपी शर्मा ओलीले भरतपुरमा आयोजना गरिएको एक सभामा प्रवेश गराएका हुन् ।
एमाले प्रवेश गरेका योञ्जनले चितवन क्षेत्र नं. ३ मा एमालेको सर्मथनमा माछा चिन्ह लिएर उम्मेदवार बनेका दिनेश कोइरालालाई सर्मथन गर्दै उम्मेदवारी निष्कृय पारेका छन् । माओवादी भित्र राजनीतिका नाममा लुटपाट मात्रै गरेको भन्दै योञ्जनले सच्चा कम्युनिष्टहरु एमालेमा गोलवन्द हुन आग्रह गरे । ‘माओवादी केन्द्र एउटा आउटडेटेड शक्ति हो, यसको राजनीतिक भविष्य छैन, यसले जनताका एजेण्डा बोक्न पनि सक्दैन’ योञ्जनले भने ‘माओवादी नेपालको राजनीतिलाई कहिल्यै स्थीरता हुन नदिन लागि परेको छ यस्ता च्याँखे दलको काम छैन ।’ उनले माओवादी अब खियाएर सकिदै जाने अवस्थामा पुगेको बताए । उनले अर्को चुनावसम्म माओवादी चौथो दलतिर झर्ने बताए । माओवादीले हजारौं सहिद, घाइते र वेपत्ताहरुको सपनाको हत्या गरेको बताए ।

जनवादी कलाकारका रुपमा परिचित उमेदवार बिष्ट गाउँदै, बजाउँदै, भोट माग्दै

– विपिन पाठक चितवन , कार्तिक २७ – आगामी मङ्सिर ४ गते हुने प्रदेश सभा तथा प्रतिनिधि सभा निर्वाचनमा उठेका उमेदवारहरु यतिबेला भोट माग्न ब्यस्त देखिन्छन् ।भोट माग्ने आ आफ्नै तरिका र कौशलहरु छन् कोहि किसानले गरिरहेका कामहरु क्षणिक रुपमा गर्दैछन् त कोही,ढोग भेट र आस्वासनका पोका बाँड्नमा नै ब्यस्त छन् ।
यता चितवन ३ ख की प्रदेश सभा सदस्य उमेदवार सरस्वती बिष्ट भनें फरक तरिकाले भोट मागिरहेकी देखिन्थिन्।माडिको वडा नम्बर ९ राइटोलमा पुग्दैगर्दा उमेदवार बिष्ट आँफै मादल ठोक्दै महिला दिदिबहिनीको बिचमा बसेर सुरिलो स्वरमा गित मार्फत आँफुलाई मतदानका लागि मतदाताहरुलाई अाह्वान गर्दै थिइन्। घेरिएर बसेका स्थानिय चेपाङ दिदी बहिनी हरु तालि बजाउँदै थिए।यो रोचक दृश्य चुनावमा बिरलै देखिने दृश्य मध्यको एक थियो।
विद्यार्थी राजनीति देखि नै जनवादी गीत र अभिनयमा रुचि राख्ने उनी निरन्तर जनताका पिडा र मुद्दाहरुलाई गायन र अभिनय मार्फत मुखरित गर्दै आएकाी पात्र हुन्। विवाह पश्चात पनि आफ्नो राजनीतिक जीवनलाई निरन्तरता दिंदै आएकी उनी लामो शिक्षण पेशामा संलग्न रहँदा समेत गायनकै माध्यमबाट रचनात्मक शिक्षण गर्ने र विद्यार्थीमा उर्जा भर्ने गरेको उनका पुर्व सहकर्मी शिक्षक यमनाथ सुवेदीले बताए।

यसरी जनवादी कलाकर्मीका रुपमा परिचित बिष्टको हँसिलो मुहार सहित फरक शैलीको चुनावी प्रचार अनौठो मात्र थिएन भिन्न र रोचक पनि थियो।

डोटीमा भूकम्पले घर भत्काउँदा ६ जनाको मृत्यु

डोटि ,कार्तिक २३- डोटीमा भूकम्पले घर भत्काउँदा ६ जनाको ज्यान गएको छ ।

मंगलबार मध्यराति गएको भूकम्पले घर भत्किँदा पूर्वी चौकी गाउँपालिका–३ को ठाडा गाउँका ६ जनाको मृत्यु भएको डोटीका निमित्त प्रमुख प्रहरी नायब उपरीक्षक(डीएसपी) भोलाप्रसाद भट्टले बताए ।
डीएसपी भट्टका अनुसार ठाडा गाउँकी ३८ वर्षीया भगवती बोहरा, उनकी १३ वर्षीया छोरी सीता बोहरा र ७ वर्षीय छोरा हर्क बोहराको मृत्यु भएको छ ।
यस्तै साेही ठाउँका ४५ वर्षीय प्रेम बोहरा, उनकी १२ वर्षीया छोरी तुलसी बोहरा र राति बोहराकै घरमा सुतेकी स्थानीय महाविर बोहराकी १७ वर्षीया छोरी धनसरीको पनि घरमा पुरिएर मृत्यु भएको डीएसपी भट्टले बताए ।
उनीहरु ६ जनाकै शव निकालिएको प्रहरीले जनाएकाे छ ।
भूकम्पले सोही वडाका पाँच जना घाइते भएका छन् । घाइते हुनेमा ४५ वर्षीय महाविर बोहरा, ४० वर्षीय इन्नरी बोहरा, ४५ वर्षीया बिस्नादेवी बोहरा, ४६वर्षीय चनादेवी बोहरा र ११ वर्षीया धौली बोहरा छन् । पश्चिम् नेपालमा मंगलबार राती पटक पटक भुकम्प गएको हो ।

यसपटक भरतपुरका जनताले मलाई न्याय गर्नेछन्ः देवी ज्ञवाली

चितवन,कात्तिक २२ – चितवन क्षेत्र नम्वर २ (ख) बाट प्रदेश सांसदको उम्मेदवार बनेका एमाले पोलिटव्यूरो सदस्य देवी ज्ञवालीले यसपटक भरतपुरका जनताले आफूलाई न्याय गर्ने बताउनुभएको छ । आज भरतपुर १२ मा आयोजित घरदैलोका क्रममा उहाँले विगतका घटनाको साक्षि भरतपुरका जनता रहेको भन्दै उहाँले यसपटक अत्याधिक बहुमतले आफूलाई विजयी गराउने बताउनुभयो । ‘२०७४ सालको स्थानीय तहको निर्वाचनमा भरतपुरको मेयरमा जनताले मलाई विजयी गराएका थिए तर मतपत्र च्यातेर हराइयो,उहाँले भन्नुभयो,‘यसपटक सबै पार्टीका नेता कार्याकर्ताको साथ र सहयोग पाएको छु ।’ उहाँले आफूले सबै पार्टीका नेता कार्याकर्तालाई समान व्यवहार गर्ने भन्दै जितहार दुवै अवस्थामा जनतासंगै रहने बताउनुभयो ।
उहाँले प्रदेशमा चितवनको नेतृत्व दिनेगरी उम्मेदवारी दिएको भन्दै जिल्लाको विकासका लागि महत्वपूर्ण अवसर आएको धारणा राख्नुभयो । उहाँले चितवनको एकीकृत विकासका लागि आफूले स्पष्ट योजना प्रस्तुत गरेको बताउनुभयो । घरदैलोका क्रममा मतदाताले देवी ज्ञवाली सरल र जनप्रिय नेता भएका कारण यसपटक मतदान गर्ने बताएका थिए । आज भरतपुर १२ का विभिन्न टोलमा घरदैलो गरिएको हो । ज्ञवाली चितवन २ का प्रतिनिधिसभा सदस्यका उम्मेदवार कृष्णभक्त पोखरेलसंगै घरदैलो गरिरहनुभएको छ ।

शान्तिपूर्ण र रचनात्मक क्रान्ति थालनी गर्दै स्वतन्त्र उम्मेदवारी : दिनेश कोइराला

चितवन, कार्तिक २१ – चितवन क्षेत्र नम्बर ३ का संघीय संसद्का लागि उम्मेदवार दिनेश कोइरालाले लोकतन्त्रलाई पिँजडाको सुगा बनाइएकोले यसैका विरुद्ध शान्तिपूर्ण र रचनात्मक क्रान्ति थालनी गर्दै स्वतन्त्र उम्मेदवारी दिएको वताएकाछन।

भरतपुर महानगरपालिका वडा नं. २० चनौलीमा सोमबार आयोजित कोण सभालाइ सम्बोधन गर्दै नेता कोइरालाले लोकतन्त्रको खोल ओढेको नयाँ खालको राणाशासन या पारिवारिक शासन देशमा लाद्ने प्रयास भइरहेको भन्दै अब यस्तो हुन नदिने बताए ।

’लोकतन्त्रको खोल ओढेको नयाँ खालको राणा शासन या पारिवारिक शासन यो देशमा लाद्ने प्रयास भइरहेको वताउदै उनले अब यो हुन दिइँदैन,’ उनले दिँदै भने, ’अब लोकतन्त्रलाई जनताको घर आँगनमा पु¥याइनेछ, केही परिवारका लागि लोकतन्त्र हुने, बाँकीले दास बन्नुपर्ने विकृत प्रथा मान्न कुनै हालतमा सकिँदैन ।

कांग्रेस र नेकपा एमालेजस्ता देशका स्थापित राजनीतिक दलहरुले बाटो बिराउनु नहुने भन्दै उनले कांग्रेस र एमाले नै देशका वर्तमान हुन्, कांग्रेस र एमाले नै देशका भविष्य भएको दाबी गरे ।दलहरुलाई सही बाटोमा नहिँडाई देश ठीक बाटोमा नहिँड्ने भन्दै उनले राष्ट्रिय राजनीतिमा हस्तक्षेप गरेर शान्तिपूर्ण तथा रचनात्मक क्रान्ति गर्ने हो भने कांग्रेस र एमालेलाई सुधार्नै पर्नेमा उनको जोड थियो ।

कोण सभामा बोल्दै नेपाल कम्युनिष्ट पार्टी (एमाले)का पार्टी अध्यक्ष राम प्रसाद न्यौपानेले प्रतिनिधि सभा सदस्य निर्वाचनका स्वतन्त्र उम्मेदवार दिनेश कोइरालालाई जिताउने जिम्मा एमालेले लिएको बताय।

दिनेश कोइराला नेपाली कांग्रेसको नेता भए पनि एमालेले जिताउन खोजेको जानकारी गराउँदै उनले कांग्रेसले पनि उनलाई नै सहयोग गर्नुपर्नेे बताय। “आफू इमान्दार कांग्रेस हो भने दिनेशलाई जिताउनुस“, न्यौपानेले भने। एमालेले विकास र समृद्धिको अठोट लिएको बताउँदै त्यो के.पी ओलीबाट मात्र सम्भव भएको उनले बताय ।

सभामा बोल्दै चितवन क्षेत्र नम्बर ३ क बाट प्रदेश सभा सदस्यका उम्मेदवार कृष्ण भुर्तेलले कृषि र पर्यटनलाई आफ्नो प्रथामिकतामा रहेको वताए
आधुनिक कृषि उत्पादनलाई प्रोत्साहन गर्दै यस क्षेत्रमा उत्पादन हुने कृषि उपजहरूको पकेट क्षेत्र निर्धारण गरी बेमौसमी उत्पादनलाई प्रोत्साहन गर्ने , नारायणी र रापती नदीको कटान नियन्त्रण गर्ने मेघौली एयरपोर्टलाई कालोपत्रे गरी पर्यटकीय एयरपोर्ट बनाउने र मेघौलीलाई पर्यटकीय क्षेत्रका रूपमा विकास गर्ने, राइनो पार्क निर्माण सम्पन्न गर्ने, बजार क्षेत्रमा ढलको व्यवस्था गर्ने, सामुदायिक वनमा पर्यटकीय पार्क बनाउने, निर्माणाधीन चित्रवन र अन्तराष्ट्रिय क्रिकेट रंगशालालाई पूरा गर्ने आदि एजेन्डा रहेको उनले वताए ।